صباح الخير يا مصر من:
مواطن مصري ميسور الحال -الحمد لله- عنده شقة تمليك في عمارة مرخصة يعني دافع كل الرسوم الرسميه الخاصه بها و بيدفع الرسوم المقررة للخدمات "مياه و غاز و تليفون و الكهرباء منتظر بس تركيب العداد" — بالرغم من تدني مستوي تلك الخدمات—
انا هذا المواطن عشان احافظ علي صحتي و صحة اسرتي اشتريت فيلتر مياة -مش رخيص- عشان المياه اللي الدولة بتدفعني تمنها و سعرها زاد اكثر من مرة خلال الفترة السابقه غير صالحه للإستهلاك الادمي.
وانا نفس المواطن اللي اشترك مع جيرانه السكان و اشتروا مولد لمصعد العمارة عشان النور لما يقطع محدش يتعلق في الأسانسير او يضطر انه يطلع ادوار كتيره علي رجله و في الضلمه.
انا نفس المواطن اللذي يتم إستقطع من راتبي قبل ان استلمه كل الضرائب و الرسوم التي تقرها الدوله
انا نفس المواطن اللي لما اشتري عربيه دفع ثمنها مضاعف ثلاثة اضعاف نتيجه لرسوم و جمارك و ضرائب تفرضها الدوله علي الواردات و جشع تجار رسمي تحت سمع و بصر الدوله و موافقتها عليه و بعد كده لما رحت ارخصها دفعت كامل الرسوم و الضرائب المطلوبه و التأمين الإجباري - اللي معرفلوش عوزة بصراحة- بالرغم من كده تجد شوارع مكسره و مضلمه و ليس عليها اي خدمات
انا نفس المواطن اللي لما بطلع علي الطريق الصحراوي بدفع رسوم الطريق -ومليش استثناء ولا حارة مخصوص اعدي منها- بس لما عطلت بيا عربيتي علي الطريق و طلبت رقم خدمات الطريق المسجل عل ظهر تذكرة الرسوم ردت عليا رسالة مسجلة "الرقم المطلوب غير موجود بالخدمة"
وانا نفس المواطن اللي لما بتمسك ردار -لاني مش مقتنع بالحد الاقصي للسرعات المقرر علي الطرق- بنزل و بكل ادب ادفع الغرامه المقرره عليا و كش بتصل باللوا فلان ولا آنكل علان عشان يضغط علي الظابط انه ميدفعنيش الغرامه.
انا نفس المواطن اللي مش بيكلف الدوله من يوم ميلاده و حتي الان هو و أبنائه قرش صاغ واحد علاج لاني لا اتعامل مع مؤسسات الصحه الحكوميه وعملي يوفر لي و لاسرتي غطاء تأميني خاص.
انا نفس المواطن اللي عشان يضمن لابنائه الحد الادني من الآدميه في منظومة تعليم الدوله رقم 139علي العالم في جودة و كفاءة التعليم راح دخل عياله مدارس خاصه بس بردوا محتاج دروس خصوصيه.
خلاصة القول انا ادعي اني مواطن ملتزم اسدد كل ما علي من التزمات مقرة من قبل السلطات. و لكن بالرغم من كل ذلك. كل المقومات الأولية الطبيعيه للحياه لا توفرها لي الدوله
فأنا اعتمدت علي نفسي في توفير مياه نظيفه و ضبط انتظام الكهرباء و دفعت جميع اشكال الرسوم المقرره لامتلاك سياره بس كل ده لم يسمح لي بتوفر طرق آدميه اسير فيها بالسياره آمن علي نفسي و اسرتي
انا مواطن تستقطع مني كل ضرائب الدخل المقننه ولكن لا نصيب لي في التأمين الصحي ولا لابنائي في منظومة التعليم
مطلوب مني بعد كل ذلك ان اتبرع لسداد ديون ناتجه —لو كنا علي درجه مهوله من حسن النيه التي تؤل الي العبط — علي افضل تقدير عن سوء إداره بشع و اهدار رسمي لموارد الدوله علي عينك يا تاجر
اه نسيت كمان ده انا نفس المواطن اللي بأي دافع - ميخصش حد غيري انا و ربنا - من وقت لاخر بتبرع لبعض المؤسسات الخيريه اللي بتحل محل الدوله في العنايه بالفقراء و توفير الحد الادني من الحد الادني للمقومات الضروريه جدا للحياه لهم.
طب ما تيجوا الاول كده
1- توقفوا حنفيات السفه في الانفاق الحكومي
2- بطلوا مشاريع وهميه و كاذبه
3- اقفلوا حنفية الفلوس المفتوحة علي الاعلاميين عشان يفضلوا يطبلوا علي اللحن المقرر منكم كل يوم
4- هاتوا بجد الفلوس المنهوبة من الحراميه الكبار اللي انتم عارفينهم بالاسم و كل يوم تقابلوهم في النادي او فرح او حفلة عيد ميلاد...
5- تاني تاني تاني طبقوا الحد الاقصي و الحد الادني علي جميع العاملين في جميع قطاعات الدوله و لو حد من القيادات اللي دخولها تتخطي المليون مش عاجبه مرتبه يدور ويشوف انهي جهه حتقبله بترهل عقله وانعدام قدرته علي التخيل و الابداع
6- لو انتوا مصممين تهينوا القوات المسلحه و تشغلوها سمسار و متعهد افراح و جارسون و دادا ....... يبقي تلزموا كل الجهات التابعة لها والتي تمارس انشطه تجاريه بدفع مرتبات حقيقيه للمجندين الذين يعملون في هذة الجهات طبقا لقانون الحد الاقصي و الادني و عشان متحصلش فتنه و تبقي الوسطه بتيجي عشان التجنيد يبقي في دار الدفاع ولا في قاعة افراح خلي قصة المرتب ديه تدفع من قبل وزارة الدفاع لوزارة الماليه و هي بتدفع ضريبه الارباح التجاريه و ضريبه الملاهي و ضريبه المبيعات وكل الضرائب الاخري المستحقه علي شبيهاتها من المنشآت التجاريه
7- الغاء جميع الامتيازات الماليه التي اعطيت لوزارتي الداخليه و الدفاع و القضاه خلال الستة اعوام الماضيه ومساوتهم بأقرانهم في باقي مؤسسات الدوله
لو حضرتك نفذت كل ده - واكيد في حاجات آخري انا مش فاكرها او اجهلها ممكن تتعمل- ومحصلكش فائض في اقل من ستة شهور اقسم بالله اتبرعلك بربع مرتبي كامل
مواطن مصري ميسور الحال -الحمد لله- عنده شقة تمليك في عمارة مرخصة يعني دافع كل الرسوم الرسميه الخاصه بها و بيدفع الرسوم المقررة للخدمات "مياه و غاز و تليفون و الكهرباء منتظر بس تركيب العداد" — بالرغم من تدني مستوي تلك الخدمات—
انا هذا المواطن عشان احافظ علي صحتي و صحة اسرتي اشتريت فيلتر مياة -مش رخيص- عشان المياه اللي الدولة بتدفعني تمنها و سعرها زاد اكثر من مرة خلال الفترة السابقه غير صالحه للإستهلاك الادمي.
وانا نفس المواطن اللي اشترك مع جيرانه السكان و اشتروا مولد لمصعد العمارة عشان النور لما يقطع محدش يتعلق في الأسانسير او يضطر انه يطلع ادوار كتيره علي رجله و في الضلمه.
انا نفس المواطن اللذي يتم إستقطع من راتبي قبل ان استلمه كل الضرائب و الرسوم التي تقرها الدوله
انا نفس المواطن اللي لما اشتري عربيه دفع ثمنها مضاعف ثلاثة اضعاف نتيجه لرسوم و جمارك و ضرائب تفرضها الدوله علي الواردات و جشع تجار رسمي تحت سمع و بصر الدوله و موافقتها عليه و بعد كده لما رحت ارخصها دفعت كامل الرسوم و الضرائب المطلوبه و التأمين الإجباري - اللي معرفلوش عوزة بصراحة- بالرغم من كده تجد شوارع مكسره و مضلمه و ليس عليها اي خدمات
انا نفس المواطن اللي لما بطلع علي الطريق الصحراوي بدفع رسوم الطريق -ومليش استثناء ولا حارة مخصوص اعدي منها- بس لما عطلت بيا عربيتي علي الطريق و طلبت رقم خدمات الطريق المسجل عل ظهر تذكرة الرسوم ردت عليا رسالة مسجلة "الرقم المطلوب غير موجود بالخدمة"
وانا نفس المواطن اللي لما بتمسك ردار -لاني مش مقتنع بالحد الاقصي للسرعات المقرر علي الطرق- بنزل و بكل ادب ادفع الغرامه المقرره عليا و كش بتصل باللوا فلان ولا آنكل علان عشان يضغط علي الظابط انه ميدفعنيش الغرامه.
انا نفس المواطن اللي مش بيكلف الدوله من يوم ميلاده و حتي الان هو و أبنائه قرش صاغ واحد علاج لاني لا اتعامل مع مؤسسات الصحه الحكوميه وعملي يوفر لي و لاسرتي غطاء تأميني خاص.
انا نفس المواطن اللي عشان يضمن لابنائه الحد الادني من الآدميه في منظومة تعليم الدوله رقم 139علي العالم في جودة و كفاءة التعليم راح دخل عياله مدارس خاصه بس بردوا محتاج دروس خصوصيه.
خلاصة القول انا ادعي اني مواطن ملتزم اسدد كل ما علي من التزمات مقرة من قبل السلطات. و لكن بالرغم من كل ذلك. كل المقومات الأولية الطبيعيه للحياه لا توفرها لي الدوله
فأنا اعتمدت علي نفسي في توفير مياه نظيفه و ضبط انتظام الكهرباء و دفعت جميع اشكال الرسوم المقرره لامتلاك سياره بس كل ده لم يسمح لي بتوفر طرق آدميه اسير فيها بالسياره آمن علي نفسي و اسرتي
انا مواطن تستقطع مني كل ضرائب الدخل المقننه ولكن لا نصيب لي في التأمين الصحي ولا لابنائي في منظومة التعليم
مطلوب مني بعد كل ذلك ان اتبرع لسداد ديون ناتجه —لو كنا علي درجه مهوله من حسن النيه التي تؤل الي العبط — علي افضل تقدير عن سوء إداره بشع و اهدار رسمي لموارد الدوله علي عينك يا تاجر
اه نسيت كمان ده انا نفس المواطن اللي بأي دافع - ميخصش حد غيري انا و ربنا - من وقت لاخر بتبرع لبعض المؤسسات الخيريه اللي بتحل محل الدوله في العنايه بالفقراء و توفير الحد الادني من الحد الادني للمقومات الضروريه جدا للحياه لهم.
طب ما تيجوا الاول كده
1- توقفوا حنفيات السفه في الانفاق الحكومي
2- بطلوا مشاريع وهميه و كاذبه
3- اقفلوا حنفية الفلوس المفتوحة علي الاعلاميين عشان يفضلوا يطبلوا علي اللحن المقرر منكم كل يوم
4- هاتوا بجد الفلوس المنهوبة من الحراميه الكبار اللي انتم عارفينهم بالاسم و كل يوم تقابلوهم في النادي او فرح او حفلة عيد ميلاد...
5- تاني تاني تاني طبقوا الحد الاقصي و الحد الادني علي جميع العاملين في جميع قطاعات الدوله و لو حد من القيادات اللي دخولها تتخطي المليون مش عاجبه مرتبه يدور ويشوف انهي جهه حتقبله بترهل عقله وانعدام قدرته علي التخيل و الابداع
6- لو انتوا مصممين تهينوا القوات المسلحه و تشغلوها سمسار و متعهد افراح و جارسون و دادا ....... يبقي تلزموا كل الجهات التابعة لها والتي تمارس انشطه تجاريه بدفع مرتبات حقيقيه للمجندين الذين يعملون في هذة الجهات طبقا لقانون الحد الاقصي و الادني و عشان متحصلش فتنه و تبقي الوسطه بتيجي عشان التجنيد يبقي في دار الدفاع ولا في قاعة افراح خلي قصة المرتب ديه تدفع من قبل وزارة الدفاع لوزارة الماليه و هي بتدفع ضريبه الارباح التجاريه و ضريبه الملاهي و ضريبه المبيعات وكل الضرائب الاخري المستحقه علي شبيهاتها من المنشآت التجاريه
7- الغاء جميع الامتيازات الماليه التي اعطيت لوزارتي الداخليه و الدفاع و القضاه خلال الستة اعوام الماضيه ومساوتهم بأقرانهم في باقي مؤسسات الدوله
لو حضرتك نفذت كل ده - واكيد في حاجات آخري انا مش فاكرها او اجهلها ممكن تتعمل- ومحصلكش فائض في اقل من ستة شهور اقسم بالله اتبرعلك بربع مرتبي كامل
